Blog do CEIP "Ricardo Tobío"

Páxina web oficial

ceipricardotobio — Wed, 14 Dec 2011 16:17:06 +0000

Inauguramos a páxina web oficial do centro. Podedes acceder a ela a través da seguinte ligazón:

DÍA DO PEÓN

ceipricardotobio — Mon, 07 Nov 2011 18:32:47 +0000

CIRCUÍTO DE ACTIVIDADES COEDUCATIVAS

ceipricardotobio — Thu, 15 Sep 2011 10:22:53 +0000

O vindeiro sábado, 24 de setembro, terá lugar no Centro de Servizos Sociais do Concello de Muros, , o CIRCUÍTO DE ACTIVIDADES COEDUCATIVAS da Deputación Provincial da Coruña, para rapaces/as con idades comprendidas entre os 6 e os 11 anos.

Para poder participar é preciso inscribirse persoalmente nas oficinas ou a través do télefono de Servizos Sociais, en horario de 08’00 a 15’00 horas. As prazas aisgnaranse por rigurosa orde de inscrición.

Para máis información e inscricións:
Centro de Servizos Sociais, Rúa Rosalía de Castro, nº30, 1º, 15250 Muros.
Teléfono: 981 762 465

PRIMEIRO DÍA DE CLASE

ceipricardotobio — Mon, 12 Sep 2011 15:50:56 +0000

Con moita emoción e entusiasmo iniciamos a volta ao cole, os reencontros cos compañeiros, contar as anécdotas do verán, qué profe nos tocará…

Todo con moita tranquilidade. Esperemos que continúe así durante todo o curso. Ánimo !

AXUDAS DO CONCELLO DE MUROS PARA ADQUISICIÓN DE MATERIAL

ceipricardotobio — Fri, 02 Sep 2011 16:29:13 +0000

Ata o día 15 de setembro estará aberta a Convocatoria de Axudas para a Adquisición de Material Escolar 2011, que pon en marcha o Concello de Muros e coas cales se persegue a correcta escolarización dos/as nenos/as pertencentes ás familias empadroadas no noso concello, que non dispoñan dos recursos suficientes.

Poden solicitar máis información no Departamento de Servizos Sociais no Centro de Día de Muros, no Centro Cultural e Xuvenil de Muros ou na web, www.muros.es na que poderán descargar as bases e o modelo de solicitude.

Saúdos.

COMEZA UN NOVO CURSO

ceipricardotobio — Thu, 01 Sep 2011 15:42:55 +0000

Dámosvos a todas e todos a benvida ao novo curso 2011-12. Temos que estar coas baterías cargadas, que hai moito que aprender e traballar.

As clases comezarán o vindeiro luns, día 12 de setembro, co horario habitual (9’30 – 14’30). Haberá transporte normal.

O alumnado de infantil de 3 anos, recibirá información individualizada, por parte da profesora, sobre cando comezar o período de adaptación.

Moito ánimo e esperemos que o curso transcurra con total normalidade.

Saúdos.

AXUDAS LIBROS DE TEXTO

ceipricardotobio — Wed, 01 Jun 2011 09:27:15 +0000

Onte, día 31 de maio, saíron publicadas no DOG as diferentes convocatorias para axudas para adquisición de libros de texto, no curso 2011-12. Enlace ao DOG.

AXUDAS PARA 1º,2º,5º e 6º DE PRIMARIA.

Enlace á información.
Solicitude. Anexo I

AXUDAS PARA 3º e 4º DE PRIMARIA

Enlace á información
Solicitude. Anexo I

PROGRAMA DE PRÉSTAMO PARA 3º e 4º DE PRIMARIA

Enlace á información

A CONSULTA DA DRA. CASILDA

ceipricardotobio — Fri, 27 May 2011 11:21:53 +0000

Fotos da obra de teatro que representaron os alumnos e alumnas do Obradoiro de Teatro do noso cole.

OS NOSOS ACTORES…

ceipricardotobio — Mon, 02 May 2011 08:03:18 +0000

Mañá, martes, día 3 de maio, o Obradoiro de Teatro do Ricardo Tobío actuará na Casa da Cultura de Muros. Fará dúas representacións. A primeira para o alumnado do 2º ciclo dos centros escolares do concello, que será en horario de mañá. Pola tarde, ás 19’00 horas, haberá unha función para todos os públicos, xunto ao Obradoiro de Teatro Agra de Filgueira (Louro).

A obra que representarán os nosos actores será “A consulta da doutora Casilda“. A trama desenvólvese na sala de espera dunha consulta de mediciña xeral. As persoas, ao tempo que agardan a súa quenda, vanse impacientando e mostran queixas absurdas dos pacientes da Seguridade Social, que moitas veces van por costume a pasar o tempo ao centro médico.

O elenco de actrices e actores é o seguinte:
Sofía Aguirre (1º), Carlos Caamaño (2ºA), Carmen Sendón (2ºB), Carolina Aguirre (3º), Itahisa Brea (3º), Clara Martínez (3º), Sara Maceiras (3º), Iria Lago (5º) e María Maceiras (5º).

Estas actuacións están dentro da “V MOSTRA DE TEATRO XOSÉ AGRELO” organizada polo Concello de Muros, como todos os anos, no mes de maio, mes das letras…

MAÑÁ DE SAÍDAS

ceipricardotobio — Thu, 28 Apr 2011 07:59:40 +0000

Hoxe, xoves, dentro da “V Mostra de Teatro Xosé Agrelo”, organizada polo concello de Muros, os nosos alumnos de primaria asistirán á representación de Talía Teatro titulada “Carta urxente para Máximo Toxo“, na Casa da Cultura.

Así mesmo, todo o alumnado de Infantil trasladarase ao colexio da Barquiña en Noia, para participar nas súas Xornadas de Xogos Populares, organizadas polo profesorado de Educación Física dos centros implicados.